فن

فن
الرئيسية / قصص رعب / القبر الملعون

القبر الملعون











القبر الملعون
Marwa_naga#
السلام عليكم أنا عمر محمد عندي٢٢ سنة عيلتي مش كبيرة أوي يعني أنا الابن الوحيد...كمان عيلتي أوضاعها المادية مش وحشة يعني مستورة الحمد لله
قصتي بدأت من ٣سنين أيام مابدأت أنزل أشتغل مع والدي الحاج محمد بيشتغل في المقابر حارس مقابر يعني وكمان كان بيشتغل شيخ بيقرأ علي الميتين وكده... لعلمكم دي مشهورة جدا في قريتنا
وده لأن معظم قريتنا مقابر
المهم اتعلمت من والدي حاجات كتير زي مثلا...ازاي أدفن الميت وكمان حفظت شوية أدعية أقولها للمتوفي
أحب أعرفكم نظام شغلنا ازاي؟
كل يوم لازم نمر علي المقابر مقبرة مقبرة...ونسقي الزرع قدام كل مقبرة ونتأكد من اس كل أبواب المقابر سليمة وأقفال الأبواب سليمة
وده لأنهالو ماكنتش سليمة ده معناه في حد كسر القفل لكذا سبب
منهم الي بيبقوا عايزين يخلصوا من لعنة أوسحر وبيحتاجوا يدخلوا مقبرة
ومنهم الي بيدخل المقبرة عشان يسرق الميت زي عينيه...سنانه خصوصا لوكان ميت جديد عشان كده لازم نمر كل يوم نطمن علي المقابر
مكنتش بخاف أوي لما بنمر الصبح...لكن الخوف الحقيقي لما كنا بنمر باليل وأحنا ماشيين كنا بنسمع صوت هوا جامد بيخبط ف أبواب المقابرده غير القطط والكلاب السودة الي كنا بنشوفها باليل قاعده علي كل مقبرة دايما
والدي كان بيقولي ماتركزشي معاهم واقري الفاتحة علي كل ميت عشان ماتحش بخوف وكمان كان بيقولي ان الميتين بيحسوا بيك لو راضيتهم يحبوك وتراضيهم بانك تدعيلهم كتير
وتأمن بيوتهم من الحرامية والمشعوذين عشان كده ماكنتش بخاف أوي غير اني كنت بأخدهم صحابي وكنت باتكلم معاهم كمان
بس الي حصلي ف المقابر خلاني أكره اني حتي أقعد في قرية زي قريتنا محاطة من كل جهة علي الأقل بمقابر
كنت في يوم قاعد أنا وبابا كعادتنا في المقابر بنتكلم عن الأحداث وعن مشاكل عيليتنا عادي زي كل مرة ....واحنا قاعدين لقينا جنازة بس جنازة مكونة من خمسة أفراد والميت...والدي قالي هو فين أهل المتوفي؟
قولتلو معرفش يمكن يكونوا مستنين بره مادخلوش
أنا ووالدي قومنا نساعدهم ودخلنا الميت القبر....ولسة هاندعي لاقيت واحد منهم تقريبا قالنا الميته واحدة مش راجل والناش مشت من غير حتي مايدعوا للست
بابا استغرب وقالي مالهم دول؟؟ مش طايقين الميت ولا ايه؟؟
قولتلوا مالناش دعوة...يلا نقرالها الفاتحةونقفل عليها
وبعد شوية لاقيت بابا بيقولي انا تعبان أوي أنا هأقوم أنام شوية
بالمناسبه احنابيتنا يعتبر لازق في المقابر مش بعيد
قولتلو ماشي روح ريح انت وأنا هأقفل وهاجي بعد شوية قالي أنا مش عايز أسيبك لوحدك هنام هنا وخلاص
قولتلوالأ روح انت شكلك تعبان وماتخفش عليا وشوية وهاجي
بابا روح وبقيت لوحدي في مكان كله ميتين مفيش غيري
كنت بأسمع صوت زي خبط في أبواب المقابر قولت أنا هأخوف نفسي ليه؟ يمكن عشان احنا ف الشتا وكده!
بصراحة خوفت أنا قولت أنا هأقوم أتمم كده ع السريع وأروح لأني مش هأقدر أقعد أكتر من كده...الجو كان برد وبصراحة أنا كنت خايف
وقومت عشان أتأكد ان كل حاجة تمام وأنا ماشي مش عارف ليه كنت حاسس بخوف جامد كنت بأتحرك بالعافية حتي مش مركزعلي أبواب المقابر...ماشي وخلاص
قعدت أقري قرآن عشان أطمن نفسي شوية وأنا ماشي حسيت بحد ماشي ورايا ولما بصيت ملاقيتش حد والأحساس ده خوفني أكتر ...قولت لأ كفاية كده أنا هارجع بقي مش لازم أكمل
ولسه هأرجع لاقيت واحدة بتصوت بتقول الحقوني
فضلت ماشي ورا الصوت ....لكني اتفاجأت لمالقيت الصوت طالع من المقبرة
فضلت أقرب بالراحة وأناقلبي عمال يدق وجسمي كله بيرتعش قولت مين جوه؟؟
لكن ماحدش رد!
قولت تاني مين الي جوه؟ ودخلت هنا ازاي؟!
محدش رد برضه!
رجعت لورا قولت معقولة كان بيتهيألي ؟ ولسة هألف وارجع بضهري لاقيت باب المقبرة بيتفتح!!
ده كان الجزء الأول لو عجبتكم هأنزل الجزء التاني
 

 

© بلوج ر.